Otro éxito más para la Asociación de Troiteiros "Río Furelos"...

La Asociación de Troiteiros “Río Furelos” da por finalizadas las labores de las VI Xornadas de Limpeza en el río Furelos y afluentes

Este fin de semana la actuación fue sobre el río Martagona, afluente del Furelos

Del río se extrajeron cientos de kilos de porquerías y basuras: cocina de gas, lavadoras, ruedas, plásticos...

Las jornadas finalizaron con una comida en la playa fluvial de Furelos

------------------------------------

Texto y fotos: Xavier Pazo Blanco

------------------------------------

O pasado sábado, día 11, máis de vinte voluntarios, entre os que se encontraba un da Coruña, repartidos en varios grupos dedicaron toda a mañá á retirada de residuos do afluente do Furelos, o río Martagona. Máis de media tonelada de vertidos de todo tipo acumulábase neste pequeno afluente concentrada en determinadas zonas do mesmo. Os restos retirados respondían ao denominador común do que se veu encontrando nos días pasados no Furelos e no Catasol: arames, plásticos, roupa, envases, latas, ferros, entre os que hai que salientar unha grosa plancha de máis de corenta quilos de peso. Pero o Martagona tamén lles tiña reservada unha sorpresa aos voluntarios: unha cociña de butano de tamaño considerable semienterrada que lle deu moito que facer a catro homes durante máis de dúas horas. Estes traballos como en anos anteriores, e como é preceptivo, estiveron supervisados por membros da gardería da Consellaría de Medio Ambiente.
Ás dúas da tarde deuse por concluída a limpeza do Martagona para dar paso a un xantar na Praia Fluvial do Furelos ao que asistiron os voluntarios e a entrega de camisetas conmemorativas. Degustando unhas empanadas e unha saborosa paella, foi momento de repoñer forzas, facer balance e comentar os sorprendentes achados.
A Asociación felicítase, máis unha vez, polo interese mostrado por tantas persoas que non dubidaron en trocar desinteresadamente os días de lecer por días de traballo. Outro motivo para felicitarse é que, durante estes seis anos que cumpriron as Xornadas de Limpeza, non houbo que lamentar ningún accidente, a pesar de que en ocasións os voluntarios tiveron que empregarse a fondo en lugares de difícil acceso para retirar os residuos.
O presidente da Asociación en nome da xunta directiva quere agradecer o apoio prestado por particulares, empresarios e institucións que fixeron posible a realización destas VI Xornadas na esperanza de que a conciencia cidadá, no tocante á conservación do Medio, faga innecesarios ou moi puntuais este tipo de traballos, porque canto menos andemos remexendo no río mellor. Aínda que pareza unha utopía, é algo polo que todos debemos loitar.